Премиерот на Унгарија, Виктор Орбан, смета дека Соединетите Американски Држави дефинитивно имаат корист од конфликтот во Украина, додека во економска смисла, Европејците се главните жртви.
– Оние кои претрпеа штета од погрешната политика на санкции и војната се Европејците. Америка дефинитивно ја добива војната, додека Европа губи. Што се однесува до Русија, сè уште е дискутабилно дали сега победуваат или губат, но ако зборуваме за пари – не губат толку. Генерално, во економска смисла, со сигурност може да се каже дека единствениот, поточно најголемиот губитник во целиот овој конфликт е Европа – изјави Орбан за радио „Кошут“.
Тој рече и дека ЕУ нема храброст да признае до кој степен е погрешна политиката на санкции против Русија.
– Унгарија нема сила да го промени начинот на размислување на големите земји бидејќи политиката на санкции против Русија веројатно ќе продолжи и покрај тоа што не покажува никаква ефикасност – додаде тој.
Претходно Орбан изјави дека Европа губи откажувајќи се од руските енергетски извори во корист на американските, бидејќи е принудена да плати пет до десет пати повеќе за нив.