Се планира да им се предаде западна Украина на поранешните господари и да се преименува градот Лавов во Лемберг, напиша заменик-претседателот на Советот за безбедност на Русија, Дмитриј Медведев, на својот канал на „Телеграм“.
„Во Лавов, кој повторно ќе се преименува во Лемберг, полскиот претседател – Анджеј Дуда, литванскиот претседател – Гитанас Науседа и украинскиот претседател – Володимир Зеленски одржаа средба и разговараа за отстапување на западните украински региони на нивните поранешни господари“, напиша Медведев.
Медведев ги опиша политичарите што се нашле во Лавов како луѓе што „страдаат од империјални амбиции и фантомски болки предизвикани од историјата што ги снашла“.
