23.8 C
Скопје
29. март 2024
Centar.mk – Вести, бизнис, забава, спорт…
СВЕТ

Две силни експлозии опустошија станбени згради во Стокхолм

Две моќни бомби опустошија станбени згради во шведскиот главен град Стокхолм, објавија во понеделник локалните медиуми.

Во експлозиите нема повредени, но пет лица се уапсени под сомнение дека извршиле различни криминални дејствија, јави државната телевизија СВТ.

Контрадиверзантски и крим-техничари вршат увид на местото на настанот, а полицијата започнала и прелиминарна истрага за инцидентите.

Експлозијата во населбата Гримста, во западниот дел на Стокхолм, одекнала околу три часа по полноќ по локално време.

Според полицискиот извештај, зградата претрпела голема штета.

Локалните медиуми објавија дека осомничен за вмешаност во инцидентот е познат локален рапер кој е уапсен. Познато е дека раперот има врски со криминални кругови, пишува весникот „Афтонбладет“.

Полицијата смета дека експлозијата можела да биде насочена кон друг познат рапер, се наведува.

По експлозијата се потресени бројни жители на Гримста, а искршени се прозорци во неколку станови.

Втората експлозија се случи во Багармозен, на југот на Стокхолм, нешто пред 4:30 часот по локално време. Како што јавува СВТ, вчераутро е уапсен маж под сомнение дека учествувал во опасно уништување и закани.

Полицијата во моментов не ги поврзува двете експлозии, но вели дека ќе истражи по неколку неодамнешни инциденти во градот.

Експлозиите се зачестени во Шведска, каде членовите на бандата често ги напаѓаат ривалите со експлозивни направи.

Спонзорирано: