Centar.mk – Вести, бизнис, забава, спорт…
Свет

По ледениот бран, на Америка сега и се закануваат нови временски непогоди

Во последните денови Соединетите Американски Држави беа погодени од невиден леден бран, пропратен со екстремно ниски температури и обилни снежни врнежи. Десетици луѓе ги загубија животите низ целата земја, а метеоролозите сега предвидуваат нови временски катастрофи кои би можеле да ги погодат САД.

Атмосферската бура повлече долг и широк облак влага од Тихиот Океан, а поплавите и карпите предизвикани од невремето затворија делови од патишта низ северна Калифорнија, пишува порталот Сакби.

Официјалните лица предупредија дека реките и потоците може да се излеат и ги повикаа жителите да подготват вреќи со песок денеска.

Одроните ги затворија патиштата во областа на заливот Сан Франциско меѓу Фремонт и Сунола, како и во округот Мендосино, каде што екипите ги расчистуваа остатоците во петокот вечерта.

Во округот Хумболт, кој на 20 декември беше погоден од силен земјотрес со јачина од 6,4 степени според Рихтер, патиштата се поплавени, а мостот кој беше привремено затворен минатата недела поради оштетувања од земјотресот може повторно да биде затворен доколку нивото на реките се зголеми премногу.