Centar.mk – Вести, бизнис, забава, спорт…
Војна во Украина+СветТОП ВЕСТИ

Зеленски: Влегуваме во нова година, а целта е само една

Украинскиот претседател Володимир Зеленски (Зеленски) во своето последно видео обраќање рече дека оваа недела е важна за Украина од политички аспект.

– Влегуваме во нова година и мора да одржиме заедничко разбирање за нашите национални цели. Се разбира, тоа е ослободување на нашата земја од непријателот, како и обновување на Украина, враќање на нашиот народ дома, дополнително приближување на нашата земја до клучните партнери, отворање нови можности за Украина во светот – ова се сите задачи за блиска иднина. И не само за државата, туку и за секој од нас – нагласи Зеленски.

Тој им се заблагодари на сите кои и помагаат на Украина и работат за одбраната на Украина.

– Благодарам на сите што се изборија за нашата независност! Благодарност до сите единици на нашата одбрана што го доближија поразот на непријателот – рече Зеленски.