Centar.mk – Вести, бизнис, забава, спорт…
Свет

Кинески дипломат: Обединување на Кина и Тајван неизбежно ќе се случи

Обединувањето на Тајван со кинеското копно е незапирлив историски тренд, што ги прави бескорисни сите напори за забавување на процесот, изјави денеска портпаролот на кинеското Министерство за надворешни работи, Ванг Венбин.

„Повторното обединување на Кина е од најголема важност. Залудни се напорите на сепаратистичките сили во Тајван“, рече Ванг.

Коментирајќи ја одлуката на Тајван да ја продолжи задолжителната воена служба од четири месеци на една година почнувајќи од 2024 година, тој изрази уверување дека „тајванските сонародници се многу принципиелни и нема да бидат користени како топовско месо од сепаратистичките сили за независност на Тајван“.