Како последица на моќното невреме во Соединетите Американски Држави загинаа најмалку 63 лица, меѓу кои и 22-годишната Андел Тејлор.
Тејлор била заробена во својот автомобил цели 18 часа. Возилото било опкружено со околу 130 сантиметри снег. Таа го испратила своето последно видео од автомобил на своето семејство ден пред да биде пронајдена мртва.
Нејзината мајка вели дека таа починала од труење со јаглерод моноксид, иако официјалната причина за смртта сè уште не е позната. Во видеото кое го испратила до своето семејство, Тејлор вели дека е исплашена и им го покажала снегот.
Семејството на настраданото девојче живее во Северна Каролина и изјавило дека не знаат колку е силна бурата што го зафати Њујорк и источниот дел на Соединетите Американски Држави.
– Не сум сигурен дека некој од нас знаел колку е сериозна ситуацијата. Не ги видовме вестите, не знаевме што се случува во Бафало. Имам чувство дека сите што отишле да и помогнат не успеале. Пожарникарите, полицијата… сите потфрлија – рекла сестрата на жртвата девојка.
