Centar.mk – Вести, бизнис, забава, спорт…
Војна во УкраинаСвет

Меркел: Немав моќ да влијаам врз Путин

Поранешната германска канцеларка Ангела Меркел изјави дека сакала да организира европски преговори со Владимир Путин една година пред неговата инвазија на Украина, но дека на крајот се откажала бидејќи не гледала можност да влијае врз рускиот лидер на крајот на нејзиниот мандат.

Меркел во интервју објавено за „Шпигел“ изјави дека таа и францускиот претседател Емануел Макрон планирале да организираат разговори со Путин за време на минатото лето, додека таа беше канцелар на Германија.

Меркел, која се повлече од политиката по 16 години на власт, подоцна во септември 2021 година, официјално му го предаде кормилото на социјалдемократот Олаф Шолц.

Американскиот претседател Џо Бајден се сретна со рускиот лидер во јуни 2021 година.

Зборувајќи за прошталната посета на Москва во август 2021 година, Меркел, која течно зборува руски, рече: „Чувството беше јасно: во однос на политиката на моќ, за Путин е важна само моќта“.

Сепак, поранешната конзервативна лидерка рече дека е „време за нов пристап“, бидејќи нејзината влада не успеа да постигне напредок не само во Украина, туку и во конфликтите во Молдавија, Грузија, Сирија и Либија.