Папата Франциско се консултирал со шефот на медицинскиот тим на фудбалскиот клуб „Атлетико Мадрид“ поради неговото болно колено, изјави докторот за шпанското радио.
Хозе Марија Виљалон за радиото COPE изјави дека шпанската бискупска конференција и Ватиканската нунцитура во Шпанија побарале од него да го посети папата со други специјалисти и да разговара со медицинскиот тим на Ватикан дали може да му помогнат.
„Чест е да се има таков пациент и, пред сѐ, одговорност бидејќи тој е светска личност“, рече тој во интервјуто објавено денеска на порталот на радиостаница во сопственост на шпанската бискупска конференција.
„Оптимист сум за тоа дали може да му се помогне на папата да се соочи со тој артритичен процес“, рече докторот на „Атлетико“.
„Тој е многу убав, но може да биде тврдоглав затоа што не сака операција“, рече докторот.
Папата рече дека не ја сака операцијата бидејќи сè уште ги чувствува ефектите од анестезијата што ја доби во јули 2021 година кога го оперира дебелото црево.
Папата од мај годинава е во инвалидска количка поради болки во коленото. Затоа ја остави отворена можноста еден ден да се повлече од функцијата.
Докторот на „Атлетико Мадрид“ изјави дека со папата разговарал и за фудбалот бидејќи тој многу го сака тој спорт и од детството е навивач на клубот „Сан Лоренцо“ од Буенос Аирес.
