Маж влета со својот автомобил во продавницата „Епл“ во Хингам, Масачусетс, при што беа повредени најмалку 16 лица, додека едно лице загина, јавува Си-Ен-Ен.
Според Тим Круз (Круз), обвинител на округот Плимут, властите примиле пријава околу 10:45 часот, а пожарникарите и полицијата биле испратени на местото на настанот.
– Темно-обоен џип излета низ стаклениот излог на продавницата, при што беа повредени неколку лица. Шеснаесет лица се пренесени во болници. Имаме еден смртен случај – им рекол Круз на американските новинари.
Поради оваа несреќа продавницата на Apple е привремено затворена, додека возачот е кај полицијата.
Спонзорирано:
