Снежна бура денеска ја зафати западната држава Њујорк, вклучувајќи го и градот Бафало.
Во текот на викендот се очекува да падне повеќе од еден метар снег во градот и другите делови на западната држава Њујорк, јавува Ројтерс.
Во округот Ири, кој го опфаќа градот Бафало, е прогласена вонредна состојба, а возењето е забрането освен во итни случаи.
Brrrrrr
New York
Snow storm#Snowmageddon #NewYorkSnow https://t.co/ZTE4ffs3x5— Sherry Sherry (@Sherrysherry1) November 18, 2022
Јавните училишта во Бафало ја откажаа наставата за повеќе од 32.000 ученици, а натпреварот во американски фудбал помеѓу локалните Бафало Билс и Кливленд Браунс беше преместен во Детроит.
Обилните снежни врнежи не се невообичаени за западниот дел на државата Њујорк, кога топлите води на Големите езера Ири и Онтарио доаѓаат во контакт со студениот воздух што доаѓа од Арктикот.
