Centar.mk – Вести, бизнис, забава, спорт…
Свет

Утре се очекува да биде објавена кандидатурата на Трамп за претседателската функција

Поранешниот американски претседател Доналд Трамп се очекува официјално да ја објави својата претседателска кандидатура во 2024 година во вторник навечер пркосејќи им на повиците на неговата партија да се откаже од кандидатурата.

Денес, 76-годишниот милијардер, кој ги шокира Америка и светот во 2016 година со победата во трката за Белата куќа, ги покани новинарите на својот луксузен имот Мар-а-Лаго во Флорида за „многу голема објава“ .

„Претседателот Трамп во вторник ќе објави дека ќе се кандидира за претседател“, рече еден од неговите советници, Џејсон Милер, кој предвидува дека говорот на Трамп ќе биде „многу професионален, многу внимателно подготвен“. Познат по својата непредвидливост, Трамп сè уште има време да се премисли во последен момент, но со месеци едвај ја криеше желбата повторно да се кандидира за претседател во 2024 година.

Доколку реши да ја одложи кандидатурата, што наводно ја предлагаат некои советници, тоа би било многу непријатно за него затоа што неговата најава ја објави како „можеби еден од најважните говори во историјата на САД“.

Доколку се кандидира во 2024 година, тоа ќе биде трета трка за Трамп за претседател, односно петти национални избори на кои тој е носител на листата на републиканците.

Во 2016 година Трамп и републиканците дојдоа на власт со неговото влегување во Белата куќа и преземањето контрола врз двата дома на американскиот Конгрес.

Но, демократите го освоија мнозинството во Претставничкиот дом на среднорочните избори во 2018 година водејќи кампања за критики за каустичниот стил на Трамп, пренесуваат светските агенции.

Можеби ќе ве интересира…

  • Biznispro.com
  • Вести +
  • Жена
Ова се сите неработни денови за новогодишните и божикните празници во 2023 година

Со доаѓањето на крајот на старата 2022 година, многумина се прашуваат кои се неработните денови кои следат во декември и јануари со цел да си го испланираат слободното и празнично… Прочитај повеќе

Ковачевски до Мицкоски: Не е храборст да се криеш зад Апасиев и да бараш предвремени избори затоа што си уплашен

Христијан Мицкоски и Димитар Апасиев се совршена комбинација за хаос и деструкција, порача вечерва претседателот Димитар Ковачевски на граѓанската трибина „Силно и одлучно кон иднината“ во Куманово. Ковачевски истакна дека… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе