Centar.mk – Вести, бизнис, забава, спорт…
Свет

Шолц: Соработката на ЕУ со земјите од Југоисточна Азија клучна во време на предизвици

Германскиот канцелар Олаф Шолц изјави денеска на состанокот на бизнис лидерите во Сингапур дека поради војната во Украина од клучно значење е Европската унија да ја прошири соработката со земјите од Југоисточна Азија (АСЕАН).

Шолц рече дека се надева на брз напредок во трговските преговори на ЕУ со Австралија, Индија и Индонезија и останува отворен за нови договори надвор од тој формат.

„Продлабочувањето на соработката е од клучно значење, бидејќи сите чувствуваме дека геополитичкото тло се префрла под нашите нозе“, рече Шолц, кој вчера го посети Виетнам и по посетата на Сингапур ќе отпатува на самитот на лидерите на Г-20 во Индонезија.