Centar.mk – Вести, бизнис, забава, спорт…
СветТОП ВЕСТИ

Бројни светски лидери и функционери испратија пораки на солидарност по експлозијата во Истанбул

Властите и претставниците на бројни земји и меѓународни организации го осудија денешниот бомбашки напад што се случи на прометната улица Истиклал во Истанбул и испратија пораки за поддршка на Република Турција и нејзиниот народ и раководството.

Азербејџанскиот претседател Илхам Алиев (Алиев) истакна дека неговата земја е длабоко шокирана од веста за експлозијата во Истанбул.

-Изразувам длабоко сочувство до семејствата и најблиските на загинатите и до братскиот народ на Турција и посакувам оздравување на повредените – рече Алиев.

И шведскиот премиер Улф Кристерсон изјави дека е длабоко шокиран од веста за денешната експлозија во срцето на Истанбул.

– Нашите мисли се со жртвите и сите оние кои ги загубија своите најблиски. Ние стоиме покрај Турција – порача тој на Твитер.

Украинскиот претседател Володимир Зеленски објави слична порака на својот Твитер профил.

– Болката на пријателскиот турски народ е и наша болка – изјави Зеленски.

Порака со сочувство до семејствата на загинатите и турскиот народ упати и министерот за надворешни работи на Северна Македонија, Никола Димитров.

-Моето најдлабоко сочувство до семејствата на жртвите и нивните најблиски. Искрени желби за брзо закрепнување на повредените – рече Димитров.

Свое сочувство изразија и министрите и министерствата за надворешни работи на Јордан, Египет, Саудиска Арабија, Германија, Индија, Словенија, Пакистан и Грција и испратија пораки на солидарност со жртвите.

Пораки со сочувство и поддршка за Република Турција најавија американскиот амбасадор во Анкара Џеф Флејк и шефот на Делегацијата на Европската Унија во Анкара Николаус Мајер-Ландрут.

Силна експлозија одекна попладнево во прометната улица Истиклал во Истанбул, а турскиот претседател Реџеп Таип Ердоган изјави дека сите одговорни за тој гнасен напад ќе бидат пронајдени и кривично гонети.

Ердоган рече дека најмалку шест лица загинале во експлозијата, од кои четири на местото на експлозијата, а уште две жртви починале во болница. Повредени се уште најмалку 53 лица, а Ердоган рече дека е рано да се каже со сигурност, но дека врз основа на првите информации од теренот, разумно е да се сомнева дека се работи за терористички чин.

Можеби ќе ве интересира…

  • Biznispro.com
  • Вести +
  • Жена
Ова се сите неработни денови за новогодишните и божикните празници во 2023 година

Со доаѓањето на крајот на старата 2022 година, многумина се прашуваат кои се неработните денови кои следат во декември и јануари со цел да си го испланираат слободното и празнично… Прочитај повеќе

Ковачевски до Мицкоски: Не е храборст да се криеш зад Апасиев и да бараш предвремени избори затоа што си уплашен

Христијан Мицкоски и Димитар Апасиев се совршена комбинација за хаос и деструкција, порача вечерва претседателот Димитар Ковачевски на граѓанската трибина „Силно и одлучно кон иднината“ во Куманово. Ковачевски истакна дека… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе