Државниот секретар на Соединетите Американски Држави, Антони Блинкен, на Твитер изрази поддршка за турскиот народ по вчерашната експлозија во Истанбул.
– Длабоко сме тажни поради загубата на животи предизвикана од експлозијата во Истанбул. Изразуваме длабоко сочувство до семејствата на жртвите и турскиот народ. Соединетите Американски Држави стојат обединети со нашите турски сојузници – рече Блинкен.
Да потсетиме, најмалку шест лица загинаа, а десетици се повредени во вчерашната експлозија што се случи околу 16 часот и 20 минути на авенијата Истикал.
Утринава шефот на турската полиција Сулејман Сојлу ја информираше јавноста дека е уапсено лице осомничено за подметнување бомба во Истанбул и наводно е поврзано со забранетата Курдистанска работничка партија (ПКК).