21.8 C
Скопје
28. март 2024
Centar.mk – Вести, бизнис, забава, спорт…
+СВЕТИЗБОР

ОН му порачаа на Маск: Почитувајте ги човековите права на Твитер

Високиот комесар за човекови права на Обединетите нации, Волкер Тирк, го повика новиот сопственик на Твитер, Илон Маск, да обезбеди почитување на човековите права на социјалната мрежа, во отвореното писмо објавено во саботата.

– Љубезно ве замолувам да направите се за човековите права да бидат во центарот на работата на Твитер под ваше водство – напиша Туерк.

– Почитувањето на нашите заеднички човекови права треба да делува како гаранција за користење и развој на платформата и како и сите компании, Твитер мора да ги разбере штетите поврзани со платформата и да преземе чекори за нивно коригирање – додаде тој.

Во оваа смисла, информацијата дека Илон Маск го отпуштил целиот тим на Твитер кој се занимавал со човековите права „не е, од моја гледна точка, охрабрувачки почеток“ – изјави Туерк.

Илон Маск, најбогатиот човек на светот, ја презеде контролата над Твитер на 28 октомври откако ја купи социјалната мрежа за 44 милијарди евра. Веднаш го распушти управниот одбор, ги разреши директорите и потоа почна да отпушта околу половина од 7.500-те вработени.

Спонзорирано: