Американскиот фармацевтски гигант Фајзер очекува четирикратно да ги зголеми трошоците за вакцините против Ковид 19 во САД.
Цената треба да биде од 110 до 130 долари по доза по истекот на актуелната програма за државни набавки, изјави извршниот директор Ангела Лукин.
Американската влада во моментов плаќа околу 30 долари по доза, а се очекува пазарот да се префрли на приватно осигурување во 2023 година, откако ќе се укине итната здравствена состојба.
Лукин рече дека очекува вакцината, која владата во моментов ја обезбедува за сите граѓани бесплатно, ќе биде достапна без трошоци за граѓаните со приватно или државно осигурување.
Волстрит очекува такви покачувања на цените поради слабата побарувачка за вакцини против Ковид, што значи дека производителите ќе мора да ги зголемат цените за да ги исполнат прогнозите за приходите за 2023 година и пошироко, забележува Ројтерс.
„Уверени сме дека цената на вакцината против Ковид-19 во САД ја одразува нејзината севкупна исплатливост и гарантира дека нема да има бариери за пристапот на пациентите“, рече Лукин, според Ал Џезира.
Сè уште не е јасно каков пристап до вакцините ќе имаат луѓето без здравствено осигурување, забележуваат Ројтерс и Хина.
Пазарот на вакцини
„Фајзер“ рече дека очекува пазарот на вакцини „Ковид-19“ да биде приближно еднаков на пазарот за вакцини против грип за возрасни на годишно ниво, додека на пазарот на вакцини за деца ќе треба подолго да се развие, судејќи според досегашната дистрибуција.
Оваа година, дополнителните дози на подобрени вакцини за Ковид-19 во САД кои го таргетираат оригиналниот вид на корона вирусот и микрон се побавни отколку во 2021 година, и покрај тоа што повеќе луѓе се подобни за вакцинација.
Околу 14,8 милиони граѓани беа вакцинирани во првите шест недели од новите вакцини, во споредба со повеќе од 22 милиони во првите шест недели од кампањата во 2021 година, кога вакцините можеа да ги добијат само постарите лица и луѓето со нарушен имунолошки систем.
