5.8 C
Скопје
29. март 2024
Centar.mk – Вести, бизнис, забава, спорт…
Uncategorized

Цената на гасот се одрази и на погребите: Трошоците за кремирање се зголемени за 35 отсто, има се’ помалку места на гробиштата

Енергетската криза влијаеше и на процесот на кремирање, а се предвидува дека трошоците за кремирање во Франција ќе се зголемат за дури 35 отсто во следните две години.

Овие податоци ги изнесе службата за следење на погребните трошоци на МПФ, а ги пренесува ТВ каналот ТФ1 и порталот РТ. Поскапувањето директно се припишува на цените на енергијата, особено на цените на бензинот, кои се во пораст од минатата година, поради санкциите што ЕУ ги воведе кон Русија, еден од главните енергетски партнери на блокот.

Цената на гасот, наводно, изнесува и до 20 отсто од цената на постапката што вклучува кремирање, а се очекува да се зголеми од 675 евра на 911 евра.

До неодамна кремирањето беше поевтина алтернатива за погребување, меѓутоа, постојат сите шанси погребалните компании кои немаат право на субвенции за енергија лесно да ги префрлат растечките сметки на ужалените.

– Ако цените се зголемат премногу, може да стане недостапно за семејствата да плаќаат за кремирање – изјави за медиумите Фредерик Плазант, претседател на Француската федерација за кремирање, додавајќи дека зголемениот број Французи кои сега претпочитаат погреб може да претставува проблем поради до немањето простор на гробиштата.

Според RT, кремирањето сочинува повеќе од 40 отсто од погребите во Франција. „Постои вистинска загриженост за оваа тема во секторот“, вели Ентони Фалорд, управен директор на погребната служба Funeplus, кој стравува дека остриот пораст на цените ќе ја зајакне лошата слика за одредени погребални домови, кои понекогаш се сметаат за „профитери“. .

Спонзорирано: