Ракетата „Спејсикс“ е лансирана кон Меѓународната вселенска станица (ISS), а екипажот го сочинуваат американски и јапонски астронаути заедно со една Русинка.
Ова е првпат во 20 години руски космонаут да полета од САД и покрај тензиите за војната во Украина, пренесува АП. Се вели дека тие треба да пристигнат на вселенската станица денеска, 29 часа по нивното полетување од вселенскиот центар „Кенеди“ на НАСА.
Предвидено е да останат во Меѓународната вселенска станица до март.
Астронаутите што полетаа го заменуваат американско-италијанскиот екипаж, кој пристигна на станицата во април. Тој лет претходно беше одложен поради ураганот Јан, кој ги погоди САД минатата недела.
„Се надевам дека со ова лансирање ќе можеме малку да го разубавиме небото за сите над Флорида“, рече Коичи Ваката од Јапонската вселенска агенција, кој го прави својот петти вселенски лет.
Забележано е дека во петмесечната мисија во вселената му се придружиле тројца нови космонаути – поморската полковничка Никол Ман, првата Индијка што орбитирала околу Земјата, морнаричкиот капетан Џош Кашада и уште една жена космонаут – Ана Кикина од Русија.
Таа е дел од размената на Руската вселенска агенција за Френк Рубио од НАСА, кој се лансира до Вселенската станица со двајца космонаути на ракетата „Сојуз“ пред две недели од Казахстан.
Вселенските агенции се согласија во текот на летото да обезбедат континуирано присуство на САД и Русија на ISS и покрај војната во Украина, со следната размена на екипажот напролет.
