19.8 C
Скопје
28. септември 2022
Centar.mk – Вести, бизнис, забава, спорт…
Свет

Лавров доцнеше час и половина на седницата на ОН, одржа говор и веднаш замина

Рускиот министер за надворешни работи, Сергеј Лавров доцнеше час и половина на седницата на Советот за безбедност на ОН. Потоа во својот говор, меѓудругото, рече дека Украина станала тоталитарна држава, слична на нацистите.

Како што јави „Си-Ен-Ен“, Лавров рече дека има обид да се наметне идејата за руска агресија како извор на сите трагедии, а зборуваше и за историската поврзаност меѓу Украина и Русија.

Тој исто така рече дека е загрижен за судбината на руските војници заробени во Украина и дека не верува во работата на Меѓународниот кривичен суд.

Лавров ја напушти седницата на ОН веднаш штом го заврши својот говор. Потоа збор зеде британскиот министер за надворешни работи Џејмс Клеверли, кој коментираше:

„Лавров не сака да ја слушне колективната осуда на овој Совет“.