Утринава околу 9:30 часот, патнички воз удрил во автомобил во градот Болфан, на железничкиот патен премин, јавуваат хрватските медиуми.
Според информациите, двајца сопатници од автомобилот, 27-годишна жена и четиригодишно момче загинаа.
Во Општата болница Копривница се пренесени уште двајца патници.
Информациите се дека во болница биле пренесени 28-годишен возач и четиригодишно девојче, кои лекарите ги реанимирале на пат кон болница и во болница. Во болница починало четиригодишното девојче.
Директорот на болницата, Мате Девчиќ изјавил дека при транспортот во болница бил направен обид да се спаси четиригодишното девојче со реанимација.
Како што се испоставува, на преминот немало рампа.
Железничкиот сообраќај е во прекин. Патничкиот воз сообраќал на линијата Копривница – Вараждин.
