26.8 C
Скопје
28. септември 2022
Centar.mk – Вести, бизнис, забава, спорт…
СветВо тренд...

Тајфунот Муифа ја погоди Кина, повеќе од милион евакуирани

Силни ветрови и обилни дождови го зафатија источниот брег на Кина, а тајфунот Муифа предизвика превентивна евакуација на повеќе од милион луѓе и откажување на летовите во Шангај.

Сепак, властите не пријавија смртни случаи, повредени или поголема штета, делумно поради тоа што беа преземени бројни превентивни мерки.

Муифа е најсилниот тајфун што го погодил Шангај, најнаселен кинески град со 25 милиони жители.

Поради ризикот од поплави или оштетување на домовите, над 400.000 Шангајци се евакуирани на безбедно како мерка на претпазливост, како и 1,26 милиони жители на соседната крајбрежна провинција Жеџијанг.

Кинеските медиуми објавија снимка од шангајската полиција во флуоресцентни жолти униформи како оди од врата до врата во старите населби, помагајќи да се евакуираат жителите и да ги сместат во спортски сали.

Тајфунот Муифа во четвртокот вечерта падна на копно во Шангај. Управата на двата главни градски аеродроми, Пудонг и Хонгчиао, веќе најави откажување на сите летови во средата навечер поради приближувањето на тајфунот.

Откажани се вкупно 665 летови од метрополата.

Тајфунот продолжува да се движи кон север по должината на брегот на источна Кина. Моментално се наоѓа во провинцијата Џиангсу, северно од Шангај.

Неговата сила „постепено ќе слабее“ со ветрови што сега дуваат само „околу 90 км/ч“, објави Националната метеоролошка служба.

Можеби ќе ве интересира

Пожар зафатил 10 ката од зграда висока 218 метри во Кина

M T

Прв случај на мајмунски сипаници во Кина

M T

Бројот на загинати во земјотресот во Кина се искачил на над 80 лица

M T

Бројот на загинати во земјотресот во Кина се зголеми на 74 – Илјадници евакуирани, се трага по преживеани

M T

Јужна Кореја ја зафати најсилниот тајфун во последните години: Има загинати и исчезнати

M T

Тајфунот Хинамнор се приближува до Јужна Кореја, нивото на тревога е зголемено до максимум

M T