22.8 C
Скопје
25. септември 2022
Centar.mk – Вести, бизнис, забава, спорт…
Свет

Кралот Чарлс: Ќе и служам на земјата несебично како мајка ми

Британскиот крал Чарлс Трети денеска изјави дека одлучно ќе го следи примерот на неговата мајка, покојната кралица Елизабета Втора, во обраќањето пред пратениците пред парламентот, кој го окарактеризира како „жив инструмент на демократијата“.

„Додека стојам пред вас, не можам а да не ја почувствувам тежината на историјата што не опкружува и ме потсетува на клучните традиции на Парламентот на кои се посветени членовите на двата дома за доброто на сите“, рече тој во Вестминстерската сала, најстарата зграда во собранискиот комплекс.

Кралот Чарлс III им се заблагодари на сите за нивното сочувство за неговата неодамна почината мајка.

Како што оцени, кралицата Елизабета Втора го посветила својот живот на „служење на својата земја и народ и одржување на скапоцените принципи на уставната влада што се во срцето на нашата нација“.

„Таа претставува пример за несебично извршување на должноста која со Божја помош и ваша согласност сум решен верно да ја следам“, заклучи новиот британски крал.

Потоа беше интонирана британската химна, а кралот Чарлс Трети со сопругата Камила ќе замине во Единбург, каде што е изложен ковчегот со телото на покојната кралица Елизабета Втора.

Можеби ќе ве интересира

Швајцарски астрофизичар: За 25 години ќе лоцираме вонземјани

M T

Уапсена мајката чии деца биле пронајдени мртви во куфери на Нов Зеланд

M T

Зошто кралицата Елизабета никогаш службено не ја посети родната земја на својот сопруг

M T

Новиот крал сè уште нема да ја носи круната

M T

Новиот британски крал денеска ќе и се обрати на нацијата

M T

Скопјанец со столче ја тепал сопствената мајка

M T