Солун бил зафатен од невреме кое довело до големи поплави, а доказ за тоа, како што пишуваат грчките медиуми биле фотографиите од улиците кои биле претворени во реки. Невремето довело и до прекин на електричната енергија, а Цивилната заштита издала предупредување до граѓаните.
Цивилната заштита претходно преку бројот 112 ги информирала жителите на Солун за претстојното невреме, апелирајќи до граѓаните да го ограничат непотребното движење бидејќи временските појави ќе бидат интензивни, пренесува in.gr.
Η βροχή μας φέρνει πέτρες από Σέιχσου. Ο Θεός βοηθός. #θεσσαλονίκη #καταιγίδα #βροχή pic.twitter.com/l93uFweLPW
— Onur Eryılmaz (@Nixtopoul) September 4, 2022
Цел тунел бил поплавен во Солун. Штети имало и во предградијата на Солун, во Переа. Штети биле забележани и на места на патот кон Халкидики, најмногу во Неа Каликратија. На тие места многу куќи претрпеле значителни поплави.
Ένας δρόμος κάπου στη Θεσσαλονίκη απόψε pic.twitter.com/ATRyHuSeoI
— ▪️ ▪️ (@sleepygeor) September 4, 2022
Пороен дожд и грмотевици се очекуваат од недела навечер до понеделник попладне низ поголемиот дел од земјата, се наведува во написите.
Според итниот билтен на Националната метеоролошка служба, до понеделник попладне ќе има преодно влошување на времето со локално пороен дожд и невреме во северна и централна Грција, кое ќе биде придружено со грмежи, град и засилен налет на ветер.
Како што се наведува, невремето ќе ги зафати Тесалија, Споради и постепено северна Евија, Беотија и Фтиотис.
