5.8 C
Скопје
29. март 2024
Centar.mk – Вести, бизнис, забава, спорт…
Uncategorized

Хакирани доверливи воени документи на НАТО

НАТО ги проценува последиците од хакирањето на доверливи воени документи кои хакерската група ги продавала на Интернет.

Документите вклучуваат информации за оружјето што го користеле Украинците во актуелната војна. Податоците се украдени од компанијата MBDA Missile Systems, која произведува ракети и ракетни системи.

Сајбер-криминалците кои работат на руски и англиски форуми продаваат 80 GB украдени податоци за 15 биткоини (околу 21.326 евра) и тврдат дека ги продале на барем еден непознат купувач досега.

Хакерите не сакаа да откријат дали податоците ги добиле од повеќе извори. Украдените датотеки, кои не можат да бидат независно проверени, содржат детали за мисијата „комуникациско разузнавање“ спроведена од ескадрила на американските воздухопловни сили во Естонија над Балтикот кон крајот на 2020 година.

Тие вклучуваат дневници за повици, целото име, телефонски број и GPS координати на лице за кое се верува дека е шеф на операцијата.

Меѓу украдените податоци имало и два документи со ознака „НАТО ТАЈНА“.

MBDA Missile Systems не негира дека хакерите ги украле нејзините податоци, додавајќи дека „внатрешните процедури за верификација на компанијата покажуваат дека податоците достапни на интернет не се ниту доверливи ниту чувствителни“.

MBDA Missile Systems е основана во декември 2001 година по спојувањето на компаниите за ракетни системи од Франција, Италија и Обединетото Кралство,пренесуваат медиумите.

Спонзорирано: