5.8 C
Скопје
29. март 2024
Centar.mk – Вести, бизнис, забава, спорт…
СВЕТ

Безживотно тело на шестгодишно девојче извлечено од морето во Грција

Безживотно тело на шестгодишно девојче вчера беше извлечено од морето во Грција кај селото Истмија кај Коринт.

Телото на девојчето, кое било целосно облечено, го пронашол нуркач под чамецот, а како што изјавил во полиција – никаде не можел да ги пронајде ниту родителите, ниту роднините на девојчето.

Според изјавата на мајката, малата Амелија во средата била со нејзиниот татко, државјанин на Албанија, со кој се разделила пред извесно време.

Првите резултати од истрагата покажуваат дека девојчето прво отишло на ручек со својот татко, по што од непозната причина завршиле на плажа оддалечена седум километри од местото каде што живеело девојчето, иако во близина имало и други плажи. Во попладневните часови нуркач го пронашол телото на девојчето, но нејзиниот татко никаде го немало.

– Отпрвин мислев дека е тело на возрасен, но потоа сфатив дека е дете. Веднаш излегов на површина со телото, кое беше под чамецот. Почнав да викам за помош, викам дека е дете. Нејзиното лице беше сино. Ја однесов на брегот, се обидов да ја реанимизирам, но залудно – рекол нуркачот.

Она што предизвикува сомнеж во случајот е зошто таткото избрал да го однесе детето на толку оддалечена плажа, каде што немало луѓе. Уште една работа што е чудна е тоа што девојчето во водата било целосно облечено.

Таткото бил сослушан во полиција, а по изјавата бил пуштен на слобода.

Албанецот рекол дека девојчео барало да ја однесе на плажа после ручекот.

-Јас и реков дека немаме костим за капење, бидејќи мама не го спакуваше, но таа инсистираше. Затоа во водата влегла облечена, а имала чевли поради ежовите. Заедно допливавме до бродот, како што правевме порано. Врзан е на десетина метри од брегот. Тогаш потона – рекол таткото.

Тој дал и објаснување зошто не се нурнал за да ја извлече.

– Сакав да ја спасам, но страдам од астма и не можам да нуркам – рекол таткото.

Наводно, излегол од морето за да потрча да бара помош. Меѓутоа, она што дополнително фрла сомнеж во овој случај е дека кога конечно се појавил, таткото бил во сува облека.

Мајката на жртвата тврди дека детето не се жалело на односот со таткото.

Тетката на детето, сестрата на таткото, вели дека не може да верува дека нејзиниот брат не му помогнал на детето.

– Има астма, но не би седел само беспомошно – рекла тетката.

Спонзорирано:

Можеби ќе ве интересира

Можеме ли да избегаме од стресот: Еве како тој влијае на вашето тело

M T

12 дена јадела само банани: Еве што се случило со нејзиното тело

M T

Еве што се случува со телото ако престанеме да јадеме шеќер 7 дена

M T

Ковчегот со телото на кралицата Елизабета денеска пристигнува во Лондон

M T

Јадел само леб и шунка 10 години: Она што почнало да му се случува на телото ги оставило лекарите без зборови

M T

Девојче почина во вжештена кола, заклучено било повеќе од 7 часа

M T