10.8 C
Скопје
19. март 2024
Centar.mk – Вести, бизнис, забава, спорт…
ТЕМАСВЕТ

Заврши обдукцијата на убиените во Цетиње: „Црногорскиот херој“ Калуѓеровиќ сè уште е недостапен за полицијата

Раководителот на Одделот за сузбивање на општ криминал во Секторот за борба против криминалот Александар Бошковиќ денеска даде изјави за големата трагедијата во Цетиње, посочувајќи дека обдукцијата на телата е завршена, не давајќи повеќе детали.

– Н.К. од Цетиње кој вчера пукаше во Вук Бориловиќ, во моментов е недостапен за полицијата. Засега не е утврдено дали Бориловиќ загинал од куршумите испукани кон него од полицајците или од Н.К.

Началникот Бошковиќ истакна дека „се преземаат одредени мерки и дејствија за обезбедување на Н.К (Ненад Нено Калуѓеровиќ) и за негово присуство во целата оваа постапка.

Бошковиќ нагласи дека обдукцијата на телата на убиените во масакрот е завршена, но дека без одобрение на обвинителот не може да открие повеќе детали.

– Телото на Борилобиќ има повеќе прострелни рани. Засега не можеме да дадеме детали дали смртта настапила како последица од повреди на полицијата или на овој граѓанин – рече Бошковиќ, кој истакна дека откако била информирана за пукањето, полицијата најпрвин дошла на помош на ранетите, по што Бориловиќ пукал во нив.

– После тоа беа исполнети сите законски услови и полицијата возврати и испука 20 пкуршуми. Во престрелката е повреден еден полицаец. Според досегашните информации, петмина полицајци вчера употребиле огнено оружје во Цетиње – изјави Бошковиќ.

Тој ги демантираше шпекулациите дека се работи за акција која траела неколку часа.

– Во 15 часот и 30 минути добивме повик, а во 15 часот и 50 минути самиот сторител се јавил на друго лице и објавил дека е тешко ранет, дека убил неколку лица и дека мислел дека нема да преживее. По 15 часот и 50 минути огнено оружје употребил Н.К., не можеме точно да кажеме за колкав временски интервал, а потоа настапила смртта на Бориловиќ. Значи, тоа не беше повеќечасовна акција, но сега можеме да кажеме половина час или 45 минути, но не можеме да кажеме прецизно – рече Бошковиќ.

Спонзорирано: