Шантел Мила, позната како „мама мила“ на TikTok, покажа како исцеден лимон може да ги исчисти садовите и внатрешноста на машината за миење садови.
Пред да го фрлите во ѓубре, ставете го во машината во која претходно сте ги ставиле садовите и вклучете го на редовен циклус.
Лимонската киселина ќе ги отстрани бигорот и непријатните мириси. Садовите ќе изгледаат кристално чисти.
-Користев исцеден лимон. Се разбира, пред тоа ги отстранив семките. Можете да користите и сок од лимон – напишала Мила во коментар.
Задолжително имајте на ум дека мора да ги отстраните семките бидејќи може да се заглават во машината, што може да доведе до технички проблеми.
Применувајте го овој совет повремено бидејќи киселината може да ја уништи гумата. Видеото има повеќе од милион прегледи, а многу корисници на TikTok се согласија дека ова е одлична идеја.
– Мојата сопруга остави лимон во соковникот и не го видов кога ја стартував машината. Внатрешноста беше беспрекорно бела – напишал еден корисник.
– Брилијантно! Лесно можам да исчистам сè – е исто така еден од коментарите.
