31.8 C
Скопје
10. август 2022
Centar.mk – Вести, бизнис, забава, спорт…
Свет

Блинкен и Лавров разговараа за размена на затвореници

Американскиот државен секретар Ентони Блинкен изјави дека имал искрен разговор со рускиот министер за надворешни работи Сергеј Лавров. Разговорот, инициран од Блинкен, бил обид да се преговара за ослободување на двајца Американци кои се во руски затвор.

Блинкен им рече на новинарите дека разговорот бил искрен бидејќи побарал од Кремљ да ја прифати понудата дадена за ослободување на Пол Вилан и Бритни Грајнер.

Разговорот доаѓа додека администрацијата на претседателот Џо Бајден се соочува со притисок од јавноста да ги ослободи двајцата Американци – кошаркарската ѕвезда Грејнер, која е во руски затвор затоа што е фатен со масло од канабис, и Вилан, поранешен маринец – затворен поради обвиненијата за шпионажа што тој ги негира.

Американската понуда, која според локалните медиуми била испратена пред неколку недели, вклучувала размена на двајцата Американци за Виктор Бут, Русин осуден за трговија со оружје, кој се наоѓа во американски затвор.

Разговорот меѓу Блинкен и Лавров во петокот беше прв меѓу двајцата од 15 февруари, кога американскиот државен секретар ја предупреди Русија да не ја нападне Украина.

Според портпаролот на Стејт департментот Нед Прајс, Блинкен не планира да се сретне со Лавров следната недела, кога и двајцата ќе бидат во Камбоџа.

Во меѓувреме, Белата куќа го опиша како несериозен неформалниот одговор на американскиот предлог направен преку разузнавачки канали пред неколку недели од страна на руската Федерална служба за безбедност.

Одговорот, кој го објави CNN, вклучуваше контрапонуда за ослободување на друг Русин, Вадим Красиков. Красиков минатата година беше осуден за убиство на чеченски опозиционер во Берлин. Красиков е во затвор во Германија.

Можеби ќе ве интересира

Лавров: Ние сме на почеток на нова ера

M T

Лавров во Египет: Гарантирам испорака на руско жито

M T

Во иста просторија Лавров и критичарите на Москва – Украина во фокусот на Г20 во Индонезија

M T

Лавров: Немаме за што да разговараме со Западот

M T

Лавров: Киев лаже!

M T

Лавров пречекан со традиционално јадење со кисело млеко

M T