Најмалку 50 луѓе регистрирале симптоми на инфекција со коронавирусот во Северна Кореја во последните 24 часа, објави Корејската централна новинска агенција (КЦНА).
Агенцијата наведува дека зголемувањето на бројот на заразени во последните четири дена е под 200.
„Според информациите на државниот штаб за вонредни ситуации во борбата против епидемијата, од саботата, 23 јули, во 18 часот до вчера во 18 часот регистрирани се повеќе од 50 случаи на заразени, а повеќе од 80 лица оздравеле“, се наведува во извештајот.
КЦНА забележува дека од крајот на април до вчера во 18 часот регистрирани се вкупно 4.772.740 случаи на заразени, од кои 4.772.330 или 99,99 отсто оздравеле, а се лекуваат најмалку 330 лица или 0,007 отсто.