Рускиот претседател Владимир Путин, кој е во Иран, во својата прва посета на странство од почетокот на инвазијата на неговата земја врз Украина, речиси цела минута беше оставен пред новинарите да го чека својот турски колега Реџеп Таип Ердоган.
На видеото од тој необичен настан, може да се забележи дека Путин се нервира пред да се сретне со турскиот колега.
По цели 50 секунди, Ердоган му се придружи на Путин.
Путин е во Иран на Трилатералниот самит во формат Астана.
Во Меѓународната конференциска сала во Техеран се одржа првата средба лице в лице меѓу двајцата лидери од почетокот на војната во Украина.
Последен пат се сретнаа на 29 септември 2021 година во Сочи.
