5.8 C
Скопје
29. март 2024
Centar.mk – Вести, бизнис, забава, спорт…
Uncategorized

Коциќ: Државничката одлука на мнозинството пратеници го отвори европскиот пат, македонскиот јазик во ЕУ

Македонското Собрание, со поддршка од мнозинството пратеници, донесе државничка одлука што обезбедува европска иднина за сите наши граѓани со заштитен македонски јазик, идентитет и култура. По 17 години чекање, конечно ги започна долго очекуваните и заслужени пристапни преговори за членство во Европската унија. Во ЕУ влегуваме како Македонци со македонски јазик, со чиста формулација, без фусноти, без дополнителни придавки и објаснувања. Целата јавност можеше да види во Брисел дека македонскиот јазик е веќе дел од институциите на Европската унија, на официјалните канали на Унијата. Гласно ечеше македонскиот јазик во ЕУ, изјави на денешната прес-конференција, Ненад Коциќ, пратеник на СДСМ.

Тој додаде дека во процесот успеавме да ги заштитиме националните и државни интереси, поставени со Резолуцијата што заеднички ја усвоивме овде во Собранието. Со тоа паднаа во вода сите лаги, манипулации и хистерии што ВМРО-ДПМНЕ и нивниот проруски партнер Левица ги ширеа во Собранието и надвор од него. Од друга страна се уште има молк од ВМРО-ДПМНЕ и Мицкоски за срамното нивно прифаќање на ознаката НМК за време на самитот на ЕПП. Тоа е голема разликата. Македонски јазик во ЕУ наспроти НМК на Мицкоски на конгресот на ЕПП.

Коциќ истакна дека веднаш по завршување на Меѓувладината конференција, започна и процесот на скрининг кој ќе даде простор да се вклучат сите и да се отвори дијалог овде во Собранието. Процесот на скрининг е идентичен и за нас и за соседна Албанија со што паѓа во вода уште една манипулација на Мицкоски и ВМРО-ДПМНЕ.

Како парламентарно мнозинство им честитаме на сите граѓани и упатуваме благодарност до сите пратеници кои со својот глас ЗА придонесоа за реализација на втората стратешка цел на државата – членството во ЕУ. За разлика од нив, пратениците на ВМРО-ДПМНЕ побегнаа од салата и воопшто не собраа храброст ниту да гласаат.

Ние, пратениците од парламентарното мнозинство ќе продолжиме посветено да работиме на спроведување на реформскиот процес кој обезбедува подобар живот за нашите граѓани и не доближува до полноправно членство во Европската унија, изјави Коциќ.

Спонзорирано:

Можеби ќе ве интересира

Австралија ја смени одлуката – Ерусалим не е главен град на Израел

M T

Размислете двапати пред да донесете одлука: Ако планирате да му се вратите на БИВШИОТ, размислете за овие прашања

M T

Чарлс Трети денеска првпат ќе им се обрати на пратениците како монарх

M T

Груби: Разговараме со пратеници од опозицијата за поддршка на уставните измени

M T

Kосово ја одложи одлуката за регистарските таблички до 1 септември

M T

Митрески: Пратениците на ВМРО-ДПМНЕ го омаловажуваат македонскиот јазик

M T