Поранешниот извршен директор на Формула 1, Берни Еклстон, го нарече рускиот претседател Владимир Путин човек од прва класа и рече дека би примил и куршум за него.
Во бизарното интервју за „Добро утро Британија“, 91-годишниот Еклстоун одговори на прашањето дали се уште стои на страната на својот пријател Путин.
„ Се уште би примил куршум за него. Подобро е да не ме боли, но сепак би примил куршум“, изјави Еклстоун.
„ За жал, тој е како многу деловни луѓе, секако како мене, кои прават грешки од време на време и, кога ќе направите грешка, треба да дадете се од себе за да излезете од тоа“, рече поранешниот шеф на Формула 1.
Попатно, тој го критикуваше украинскиот претседател Володимир Зеленски.
„ Колку што разбрав, тој порано беше комичар и се чини дека сака да се занимава со таа професија. Но Путин, кој е разумен човек, би го ислушал и веројатно би можеле да направат нешто околу тоа“, заклучил Еклстоун.
