Викторија стана првата австралиска држава која забрани прикажување на нацистичка свастика.
Според новиот закон, луѓето кои намерно прикажуваат нацистички симбол се соочуваат со казна затвор до една година или парична казна од 22.000 долари.
Премиерот на оваа австралиска држава Ден Ендрјус изјави дека „никој нема право да шири расизам, омраза или антисемитизам“.
Како и во многу делови од светот, Австралија неодамна забележа нагло зголемување на антисемитските инциденти. Само за еден месец минатата година имаше 88 инциденти што е национален рекорд.
Викторија веќе има закони против говорот на омраза, но тие беа критикувани за „празнините“.
Потребата за реформи се интензивираше во 2020 година кога брачна двојка подигна знаме со свастика над нивниот дом, што ја разбесни локалната заедница.
