Агенцијата за дроги на ЕУ го претстави Европскиот извештај за дрогите за 2022 година „Трендови и развој“, во кој посочуваат дека употребата на дрога е зголемена поради високата достапност низ Европската Унија, а во некои случаи ги надминува и предпандемиските нивоа.
Според податоците за употребата на дрога, постојат знаци за враќање на нивоата пред пандемијата.
Голем проблем се и новите психоактивни супстанци кои продолжуваат да се појавуваат во ЕУ. Во текот на 2021 година за прв пат се пријавени дури 52 нови видови на дрога, со што вкупниот број се искачи на 880.
Од таму наведуваат дека во 2020 година заплениле рекордни 6,9 тони разни видови дрога.
Што се однесува до канабисот, најпопуларната недозволена дрога во ЕУ, неговите производи стануваат се поразновидни поради појавата на екстракти.
Тие додаваат дека политиката на ЕУ за канабис се менува, па се зголемува опсегот на политиката за канабис, што вклучува контрола на нелегалната употреба и регулирање на канабисот за медицинска и друга употреба.
Според резултатите од 2020 година, затворени се повеќе од 350 лаборатории за производство на нелегални дроги, вклучително и погони за производство на кокаин, метамфетамин и катинон.
Во ЕУ во 2020 година се запленети рекордни 213 тони кокаин, а уништени се 23 лаборатории.
Се предупредува дека има видливо зголемување на достапноста на амфетамините, а во 2020 година биле запленети 21 тон и затворени 78 лаборатории.
Се проценува дека во 2020 година имало 5.800 смртни случаи од предозирање со дрога, а повеќето од нив биле поврзани со токсичноста на неколку видови дроги.
