33.8 C
Скопје
28. јуни 2022
Centar.mk – Вести, бизнис, забава, спорт…
Centar Свет Во тренд...

Тежок удар за Трифунов: Осум пратеници го напуштаат човекот кој излегува од бугарската влада поради прашањето со Македонија

Осумтемина пратеници се организирани од министерот за спорт од ИТН, Радостин Василев, кој, според бугарскиот медиум, бил против напуштање на владата.

Осум бугарски пратеници од партијата Има таков народ (ИТН) го напуштаат лидерот Слави Трифонов, кој минатата недела реши да излезе од владината коалиција, објави 24часа.бг.

Тие ќе излезат од пратеничката група на ИТН, но сè уште немаат постигнато договор за соработка со партијата Продолжуваме со промените на премиерот Кирил Петков. Дополнително ќе очекуваат понуди за партнерство, пишува 24часа.бг.

Осумтемина пратеници се организирани од министерот за спорт од ИТН, Радостин Василев, кој, според бугарскиот медиум, бил против напуштање на владата.

Во групата осум пратеници се досегашната организациска секретарка на ИТН, Викторија Василева, како и Николај Радумов, Светлин Стојанов, Иво Атанасов, Ивајло Христојв, Дејат Петков, Христинка Иванова и Георги Георгиев.

Со тоа, пратеничката група на Трифонов ќе остане со 13 пратеници, колку што во моментов има и опозициската Преродба.