22.8 C
Скопје
25. јуни 2022
Centar.mk – Вести, бизнис, забава, спорт…
Војна во Украина Centar Свет

Украинците тврдат дека само една работа може да направи пресврт

Руското гранатирање на хемиската фабрика Азот во Северен Доњецк предизвика шумски пожар и излевање на тон нафта, изјави во саботата гувернерот на покраината Серхи Хајдаи.

Во изјава за телевизија, Хајдај не прецизираше дали пожарот бил изгаснат во фабриката во која се засолниле стотици цивили.

Тој рече дека борбите се во тек во северен Доњецк, град во источна Украина за кој набљудувачите предвидуваат дека ќе стане вториот Мариупол во однос на човечки загуби и уништување пред да падне во рацете на Русија по херојскиот отпор.

Градот е еден од последните џебови на отпор на рускиот агресор во источната провинција Луганск.

Северен Доњецк и Лисичанск на спротивната страна на реката Доњецк се последните места под делумна украинска контрола во областа Луганск, чија окупација е една од клучните воени цели на Русија.

Украина вели дека нејзината единствена надеж е да ја промени ситуацијата во индустрискиот град со повеќе артилерија, бидејќи Русија е супериорна во тој аспект.

Илјадници луѓе ги загубија животите, а милиони избегаа од почетокот на руската инвазија на Украина на 24 февруари.

Западно од Северен Доњецк, Русија напаѓа од север и југ, обидувајќи се да ги опколи украинските сили во целиот Донбас, што е заедничко име за источните провинции Луганск и Доњецк.