Украински функционер ја обвини Русија дека украла околу 600.000 тони жито од Украина, за кои тврди дека подоцна биле транспортирани на Блискиот Исток, јавува Си-Ен-Ен.
Во изјавата, Денис Марчук, заменик-претседател на Јавното здружение на украинскиот аграрен совет, тврди дека житото било украдено од окупираните региони на југот на земјата.
Тој тврди дека житото било транспортирано до пристаништето Севастопол на територијата на Крим, кој бил окупиран од Русија, пред дополнително да биде испратен на Блискиот Исток.
Отворени се кривични случаи и од меѓународните судови се бара да ѝ исплатат компензација на Русија за оние кои се погодени од овие дејствија, рече Марчук.
Тој ги нарече акциите на Русија добро испланирана операција на окупаторите.
Русија се уште не одговорила на обвинението на Марчук.
