Москва ја цени објективната позиција на Кина за Украина, изјави рускиот министер за надворешни работи Сергеј Лавров.
– Високо ја цениме избалансираната, непристрасна позиција на кинеските пријатели за ситуацијата во и околу Украина. „Ја чувствуваме поддршката на Пекинг во одржувањето на принципиелните пристапи на Русија за изградба на безбедносна архитектура во Европа“, рече министерот за време на конференцијата „Русија и Кина: Соработка во новата ера“.
Тој додаде дека енергетската соработка меѓу Русија и Кина добила стратешки карактер.
– Русија и Кина систематски ги спроведуваат сите одобрени програми за соработка. Енергетското партнерство доби стратешки карактер. Се реализираат големи проекти во областа на индустријата, земјоделството и транспортот – рече Лавров за време на видео пораката на седмата меѓународна конференција „Русија и Кина: Соработка во новата ера“.
Рускиот министер за надворешни работи Сергеј Лавров пред неколку дена изјави дека „ослободувањето на Донбас е безусловен приоритет за време на руската специјална операција во Украина“.
– Ослободувањето на регионите Доњецк и Луганск, кои Руската Федерација ги призна како независни држави, е апсолутен приоритет – изјави синоќа Лавров во интервју за францускиот ТВ канал ТФ1.
Тој додаде дека жителите на другите територии на Украина каде што се водат борбите „треба да одлучат за својата иднина“.
