15.8 C
Скопје
29. март 2024
Centar.mk – Вести, бизнис, забава, спорт…
ТЕМАМОЗАИК

СТОП ЗА СТЕНД БАЈ РЕЖИМОТ – Заштедете енергија со исклучување на „вампирските“ уреди

Британските домаќинства би можеле да заштедат во просек 147 фунти годишно со исклучување на таканаречените вампирски уреди.

Вампирските уреди се електроника кои трошат изненадувачка количина на енергија дури и кога се на стенд бај режим.

Студијата на British Gas покажува дека домаќинствата во Велика Британија трошат 2,2 милијарди фунти годишно само за привилегијата да ги остават вампирските уреди на стенд бај режим.

Ова е еднакво на 147 фунти годишно за просечно домаќинство – што е еквивалент на два месеци трошоци за електрична енергија.

Зголемувањето на ограничувањето на цената на енергијата од 54 отсто значи дека домаќинството кое користи типична количина на гас и електрична енергија сега ќе плаќа 1.971 фунти годишно.

Експертите велат дека сметките за струја би можеле да бидат уште повисоки бидејќи глобалните цени на гасот остануваат нестабилни. Според некои проценки, сметките за домаќинствата во Британија оваа зима би можеле да достигнат и до 3.000 фунти.

Сè додека уредите се поврзани со ѕидот, тие полека црпат струја.

Паметните звучници, лаптопите, интернет рутерите чинат кога се вклучени, наведува Би-Би-Си. Исто така, конзоли за игри, компјутери, микробранови печки, машина за перење, печатач, полнач за телефон.

Британскиот експерт за гас Марк Робсон препорачува поврзување на уредот со продолжен кабел што може да се исклучи ноќе – или да се користат таканаречените паметни приклучоци.

– Навечер или кога не ги користите, обидете се да ги исклучите уредите на мрежата и да не влегувате во режим на мирување, бидејќи дури и светилката за мирување на телевизорот троши енергија. Обидете се да не ги преполните мобилниот телефон и лаптопот непотребно – рече тој.

Тој додаде дека е неопходно да се исклучат сите уреди штом ќе се наполнат, што не само што ќе заштеди енергија, туку и ќе го продолжи траењето на батеријата.

Спонзорирано:

Можеби ќе ве интересира

ЕСМ го зголеми производството, струја обезбеди за дел од домашното стопанство

M T

Утре без струја делови на Аеродром, Студеничани и Карпош

M T

Каевски: Мицкоски нека размисли уште еднаш, струјата од хидроцентралите да им се даде на граѓаните

M T

Еврокомесар за управување со кризи: Реална закана од прекин на струја во Европа

M T

СДСМ: Зошто Мицкоски не сака да ја даде струјата од хидроцентралите на граѓаните?

M T

СДСМ: Ковачевски упорен да обезбеди струја и енергенси за зимата

M T