Русија планира да изгради и распореди околу 50 нови интерконтинентални балистички ракети „Сармат“, способни за нуклеарни напади до крајот на есента, изјави генералниот директор на руската вселенска агенција Роскосмос, Дмитриј Рогозин.
Ракетите ќе бидат направени во сибирскиот град Краснојарск, изјави тој за новинската агенција Интерфакс. Русија го изведе првото пробно лансирање на ракетата од новата генерација Сармат во космодромот Плесецк во северна Русија во април.
„Сармат“ има домет од 18.000 километри и може да биде опремен со нуклеарни боеви глави. Ова ќе и овозможи на Русија да достигне цели низ светот со лансирање ракети преку Северниот или Јужниот пол.
Првите Сармати ќе бидат стационирани на Краснојарската територија. Претседателот Владимир Путин искористи лансирање ракета во април за да му се закани на Западот во контекст на руската војна во Украина.
Ракетата може да ги надмине сите видови одбрана и да ги натера државите да „размислат подобро“ пред да и се закануваат на Русија, рече тогаш Путин, пренесуваат медиумите.
