Американскиот државен секретар Ентони Блинкен ја обвини Русија дека користи храна како оружје во Украина.
„Не станува збор само за снабдување со храна на милиони Украинци, туку и на милиони луѓе во светот, кои се потпираат на увоз од Украина“, рече Блинкен обраќајќи се пред Советот за безбедност на Обединетите нации барајќи од Русија да престане да ги блокира украинските пристаништа.
„Се чини дека руската влада мисли оти употребата на храната како оружје ќе помогне да се постигне она што нејзината инвазија не го постигна, а тоа е да се скрши духот на украинскиот народ“, рече Ентони Блинкен, пренесуваат светските агенции.
Спонзорирано:
