Русија има намера да го задржи статусот на „крал на гасот“ во случај на намалување на директните испораки на гас во Европа со контролирање на алтернативните извори на увоз на гас, се вели во написот на колумнистот Абдел Хаким ал-Рувајд за агенцијата НунПост.
– Освен што ја минимизираат штетата од воведувањето на антируските санкции, Русите сакаат да го задржат статусот „крал на гасот“, смета Хаким ел Рувеида. Така, Русија или ќе остане главен снабдувач на енергија за Европа, или ќе ја преземе контролата врз секој проект што го смета за алтернатива на рускиот гас.
Како аргумент тој ги наведува податоците за интересот на Москва за инвестирање во најдолгиот подводен гасовод во светот „Нигерија-Мароко“, кој Европската унија го смета за алтернатива на испораките од Руската Федерација.
Ова ќе и овозможи на Русија да го примени своето колосално искуство во вакви проекти и да го прошири своето влијание во Африка, се наведува во написот.
Европската комисија се подготвува да усвои план во случај на остар прекин на испораките на гас за Европа од Русија, кој предвидува обврска на земјите кои имаат сино гориво да го делат со оние кои немаат.
Документот предвидува земјите кои имаат алтернативни извори на снабдување, вклучително и Шпанија, да пренасочуваат дел од својот гас во земјите кои немаат такви извори.
Дополнително, се очекува воведување на рационализација на потрошувачката на енергија со што компаниите од земјите со помалку енергетски проблеми не би стекнале конкурентска предност пред компаниите од земјите со повеќе проблеми во оваа област, пренесуваат светските агенции.
