23.8 C
Скопје
29. март 2024
Centar.mk – Вести, бизнис, забава, спорт…
ВОЈНА ВО УКРАИНАСВЕТ

Русија ја предупреди Јапонија: Ќе има одмазнички мерки ако поморските вежби со САД се прошират до границите на Русија

Русија ја предупреди Јапонија и се закани со одмазднички мерки доколку заедничките поморски вежби со САД се прошират во близина на источните граници на Русија, пишува Си-Ен-Ен.

Оваа закана е само продолжение на конфликтот Москва-Токио. Москва е бесна затоа што Јапонија и даде недвосмислена поддршка на Украина и се доближува до земјите-членки на НАТО. Русија и Јапонија, всушност, имаат нерешени односи од крајот на Втората светска војна поради островите кои тогаш беа окупирани од советските сили, анализираат медиумите.

Рускиот заменик-министер за надворешни работи Игор Моргулов изјави дека американско-јапонските поморски вежби се потенцијално офанзивни по природа, според извештајот на руската државна новинска агенција РИА-Новости.

„Ваквите постапки на јапонската страна ги гледаме како закана за безбедноста на нашата земја“, рече Моргулов.

„Доколку таквата практика се прошири, Русија ќе преземе одмазднички мерки во интерес на зајакнување на своите одбранбени капацитети“, додаде тој.

Сепак не прецизираше за кои американско-јапонски вежби станува збор, ниту експлицитно наведе како би можело да изгледа руската одмазда.

Морнарицата на САД и Јапонија минатата недела ги завршија заедничките вежби во Источното Кинеско и Филипинското Море.

Претходно во месецот, американската војска спроведе слични заеднички вежби во Јапонското Море, каде Русија има долг брег. Според американската морнарица, САД и Јапонија рутински одржуваат заеднички поморски вежби во Индо-Пацификот за да се одржи стабилноста во слободниот и отворен регион.

Спонзорирано:

Можеби ќе ве интересира

Киев: Русиja најде начини и методи за борба, Украина малку се опушти

M T

Мечка во САД нападнала момче во двор

M T

Јапонија најави нови санкции против Северна Кореја: „Не можеме повеќе да толерираме провокации“

M T

Зеленски: Русија не ни може ништо на боиштето затоа продолжува со теророт

M T

Чешка пак им порача на своите граѓани да ја напуштат Русија

M T

Џефри Сакс: Зад саботажата на „Северен тек“ можеби стојат САД и Полска

M T