Џосеф Борел, високиот претставник на Европската унија за надворешна политика и безбедност, изјави дека нема договор меѓу членките на ЕУ за целосно ембарго или „само“ повисоки царини за нафтата и гасот.
– Во моментов не се согласуваме по ова прашање – изјави Борел за германски „Ди Велт“. Тој рече дека новиот пакет санкции, како и целосното ембарго на руската нафта, ќе се разговара на следниот самит на ЕУ подоцна следниот месец, додавајќи дека не очекува никаква одлука пред тоа.
Евростат објави дека во 2020 година Русија испорачувала нафта на повеќе од четвртина од европскиот пазар. Извозот на нафта е главниот извор на девизи за Кремљ, а многумина во ЕУ повикаа на апсолутен прекин на увозот на нафта од Русија бидејќи таа во моментов ефикасно ги финансира руските воени напори во Украина.
