Украинската армија го запали командниот брод на украинската морнарица Донбас во пристаништето Мариупол, што може да биде дел од кампањата за дискредитација на руските вооружени сили, соопшти денеска самопрогласената Народна Република Доњецк (ДНР).
Според информациите од Народната полиција, украинските националисти продолжуваат намерно да се обидуваат да уништат бродови во пристаништето Мариупол. По запалувањето на турскиот брод „Азбург“ под доминиканско знаме, украинските милитанти тргнале да организираат уште една провокација на оперативниот центар и националисти од Азов го запалија командниот брод на Донбас“, се наведува во соопштението на Народната полиција, пренесува агенцијата ТАСС.
Тие не исклучуваат дека, како што велат, „украинските и странските медиуми наскоро ќе почнат да шират видеа на кои се прикажани мртви членови на екипажот со цел да се дискредитираат руските војници“.
