Украина од почетокот на војната со Русија собра повеќе од 10 милиони долари преку илјадници донации во криптовалути, објави компанијата за анализа на блокчејн „Елиптик“.
Официјалниот профил на украинската Влада на Твитер во четвртокот обезбеди две сметки за криптовалути – едната само за примање биткоин, а другата за преземање етерум и тетер.
„На сметките наведени во објавите на Твитер веќе пристигнале 10,2 милиони долари преку 12.799 трансакции“, според анализите на компанијата.
„Елиптик“ истакна дека вкупните крипто донации за украинската Влада и невладините организации кои ја поддржуваат војската сега изнесуваат 16,7 милиони долари.
Спонзорирано: