Балкандолија, како што се нарекуваше заборавениот континент, се наоѓаше меѓу Европа, Африка и Азија и беше мост за цицачите од Азија до Европа, тврди група научници во новата студија објавена во списанието „Ерт сајанс ревју“.
Кога нивото на морето се намалило пред околу 34 милиони години, Балканот служел како мост за мигрирање на животните во јужна Европа, пред да исчезнат голем број цицачи во Западна Европа за време на Ееценот за време на една од епохите на истребување.
Ова тврдење го дава палеогеологот Алексис Лихт од Европскиот центар за истражување на еколошката геонаука, кој е и професор на Универзитетот во Вашингтон во САД.
Научниците своите тврдења ги темелат на фосилите пронајдени на Балканот, кои покажуваат дека животните емигрирале од Азија пет до 10 милиони години пред да се случи истребувањето во Европа.
Тие користеле податоци за фосили од Балканот и Анадолија, споредувајќи ги со најновите сознанија за геолошката историја и ги реконструирале палеогеографските промени во регионот.
Откриле дека Балканадолија во еден момент, од независен континент, станала „земен мост“ кога се споила со континенталниот дел на Европа. Пред околу 50 милиони години, Балканот бил одделен од другите континенти и имал свој жив свет, кој се разликувал од Европа и Азија.
Комбинација од опаѓање на нивото на морето, пораст на мразот на Антарктикот и тектонски нарушувања го поврзаа Балканот со другите континенти пред 40 до 34 милиони години, се вели во студијата.
Ова им овозможи на цицачите од Азија, како што се глодарите и копитарите, да дојдат на Балканот, а потоа и во Европа, покажуваат фосилните истражувања. Меѓу фосилите, научниците открија животно слично на носорог пронајдено во Турција, кое живеело пред 38 до 35 милиони години, што значи дека животните од Азија пристигнале на Балканот и Европа пред големото истребување.
Продорот низ Балканската долина беше многу полесна за животните, бидејќи патот низ Централна Азија беше многу потежок поради условите на пустината и мразот во некои делови.
