Портпаролот на Кремљ, Дмитриј Песков, денеска изјави дека Москва со загриженост следи како САД ги зголемуваат тензиите и дека повеќе ќе се знае за натамошните преговори меѓу двете земји откако Русија ќе добие одговор од американската страна на предлозите за безбедносни гаранции.
Запрашан дали тоа што САД ставија 8.500 војници во готовност за трансфер во Европа влијае на текот на преговорите, Песков одговори негативно, додавајќи дека преговорите, всушност, се завршени во сегашната фаза.
Песков посочи дека, пред да биде јасно како и кога ќе продолжат преговорите, Москва треба да добие одговор од Вашингтон и изрази надеж дека тоа ќе се случи оваа недела.
Спонзорирано:
