Centar.mk – Вести, бизнис, забава, спорт…
Коронавирус Свет

Директорот на „Фајзер“: Годишните вакцини против ковид би биле подобри од честите бустери

Алберт Бурла, извршен директор на компанијата „Фајзер“, рече дека годишната вакцинација против короната би била подобра опција од почестите засилувачки дози.

Вакцината против корона на „Фајзер“ се покажа како ефикасна против тешка форма на болеста и смртен исход предизвикан од варијантата омикрон, но помалку ефикасна во спречувањето на преносот на заразата. Како што се зголемува бројот на случаи, некои земји ги засилија своите програми за вакцинација или го скратија јазот помеѓу вакцините додека владите се борат да ја зајакнат заштитата.

„Вакцинирање еднаш годишно“

Во интервју за израелски N12 News, Бурла беше прашан дали ќе се даваат бустер дози на секои четири до пет месеци.

„Ова нема да биде добро сценарио. Она што се надевам е дека ќе имаме вакцина што ќе треба да ја земате еднаш годишно“, рече Бурла. „Еднаш годишно, полесно е да се убедат луѓето да го направат тоа“, додаде тој.

„Идеална ситуација“

„Од гледна точка на јавното здравје, тоа е идеална ситуација. Разгледуваме дали можеме да создадеме вакцина која го покрива омикрон и не заборава на другите варијанти и тоа би можело да биде решението“, рече Бурла. Додаде дека „Фајзер“ може да поднесе барање за одобрување за нова, редизајнирана омикронска вакцина и нејзино масовно производство, што е можно поскоро во март.

Цитирајќи три студии, американскиот Центар за контрола и превенција на болести (ЦДЦ) во петокот објави дека третата доза на вакцината mRNA е клучна за борбата против омикрон, обезбедувајќи 90 проценти заштита од хоспитализација.

Прелиминарната студија објавена во понеделникот од израелскиот медицински центар Шеба покажа дека четвртата доза ги зголемува антителата на повисоки нивоа од една третата, но веројатно не е доволна за целосна заштита од омикрон. Без оглед на тоа, сe уште се советува дополнителна доза за ризичните групи, се наведува во студијата.

Можеби ќе ве интересира

Австрија ги укина сите мерки за ковид

M T

Сеул: Ќе ѝ понудиме вакцини и медицинска опрема на Северна Кореја

M T

Произведувач на вакцини против коронавирус криел проблеми со квалитетот

M T

Европска недела на имунизација – Одбележување на напредокот и на потенцијалот на вакцините за овозможување квалитетен долг живот

M T

Шангај: Зголемен број на заразени со ковид, властите повикаа да се почитуваат мерките

M T

Хаос во Шангај: Убиваат миленици на сопствениците заразени со ковид – граѓаните не смеат да излезат од дома,тешко се доаѓа до храна

M T